標題:
此文章來自奇摩知識+如有不便請留言告知
有關上粉底要自然的問題!
發問:
我係初學者 ,我想上一個粉底 可以好自然好似無化咁!唔駛話塊面變白,只係想令塊面同平時膚色一樣, 唔洗查埋頸位 都唔會覺果隻種feel!o車係平平凡凡好似無化 就已經ok我平時係 洗完面 - > base(黃色) -> 上粉底液 -> ***查粉*** 係我都唔知我係粉餅 定 係碎粉 黎~"~所以希望有人可以教下 正確既步驟同比d意見我!同埋下面有一d問題,希望解答完我上面可以幫我解答埋下面 , 唔該曬!!1.我想問可唔可以上完粉底液 -> 查粉餅2.可唔可以直接 洗完面 - > base(黃色) ->... 顯示更多 我係初學者 ,我想上一個粉底 可以好自然好似無化咁! 唔駛話塊面變白,只係想令塊面同平時膚色一樣, 唔洗查埋頸位 都唔會覺果隻種feel! o車係平平凡凡好似無化 就已經ok 我平時係 洗完面 - > base(黃色) -> 上粉底液 -> ***查粉 *** 係我都唔知我係粉餅 定 係碎粉 黎~"~ 所以希望有人可以教下 正確既步驟同比d意見我! 同埋下面有一d問題,希望解答完我上面可以幫我解答埋下面 , 唔該曬!! 1.我想問可唔可以上完粉底液 -> 查粉餅 2.可唔可以直接 洗完面 - > base(黃色) -> 查粉餅 ,但想要好自然~"~ 3. 粉餅 / 粉底液 / 碎粉(蜜粉) 3者既分別係!? 同埋咩情況咩步驟先用呢!? 4.咩牌子既 落妝水 平又好用!? 唔想油 希望大前題可以幫到我係想超自然~"~ 想持久,唔會有浮粉 同 溶/脫妝 既問題 , 唔該曬各解答者,遇到我呢d麻煩既人!所以想講聲唔好意思! 希望愈詳盡愈好! 更新: 我果隻應該係粉餅 :WD-05A Natural Beige 我依家想買Sofina - ALBANC透亮美白防曬粉餅 我想洗完面 - base (紫色) - ALBANC透亮美白防曬粉餅 可以嗎!? 更新 2: 因為本新我有好微偏黃! 其實我唔知點講好~"~ 仲之有時皮膚睇落去 比較白無咩印 有時好暗啞又黃黃地! 我唔太知咩原因! 定係夜晚無查補濕 之類既野 引致! 加上1開始紫色買曬我想買的! 但由於無只好用黃色!聽人地話會小小偏黃 所以我買多左支紫色 但未用過 今日先買! 同埋粉底方便 我想純粹同膚色一樣!唔駛刻意去變白! 其實主要原因係想 無曬d印! 就係咁簡單! 可能你地會話咁做咩唔買"傘"暇筆之類! 因為我想一致小小~"~ 所以想用最接近自己既膚色既粉底就ok
最佳解答:
唔知你係屬邊一種皮膚？我自己係混合性偏油，平時最鍾意化左妝都好似冇化咁，不過俾人o既感覺皮膚好似好靚咁。要做到『皮膚好似好靚咁』，我自己都鑽研左好耐。 我發現自己如果要連續幾日搽粉底，額頭、鼻呢o的位就好容易甩皮，一甩皮用左粉底就會好難睇，所以後來我改左唔再用粉底，只係用make up base同碎粉，效果好好。make up base要揀一隻解決到自己面部問題先有用，我o既T字位較油，毛孔又大，用左sofina o既Raycious Smooth Coat Base，非常好，雖然有少少黃色，但係搽左之後唔覺黃，而且膚色仲好均勻。我都試過用ettusais o既 Flat Design Concealer黎遮毛孔，效果都唔錯，但係因為要用支膠奉黎搽，所化o既時間較多，呢樣係我唯一唔滿意o既。至於我面頰問題唔大，所以用sofina o既Raycious Ray Moist Supply Base - discontinue，呢隻base係我o既至愛，顏色係白色帶極少粉紅，用左之後好似有一層膜保護皮膚咁，膚色變得均勻，白左少少，最重要係好有透明感。呢一隻base我已經用左好多樽喇，但係都冇諗過要轉。 至於碎粉方面，我覺得透明色會比較自然，而且搽出黎要有光澤，好多有光澤o既碎粉都有閃粉，我就最唔鍾意，因為人地一睇就知你搽左粉。冇閃粉o既碎粉好多時搽出黎都會有好粉o既感覺，好啞色，要過一段時間，當o的粉同皮膚混合左之後先好o的。我發現shisedio o既enriched loose powder就好好，一用已經冇好粉o既感覺，又有光澤。 另一樣可以令人覺得你o既皮膚好靚，就係要面色紅潤，胭脂要用水狀或mousse狀先會自然，用手指逐少咁搽上面先夠自然。如果你皮膚較白，就要用粉紅色，咁就會令人有白裡透紅o既感覺，皮膚較黑就用橙色，設忌用深紅、紫、啡呢o的色，令人感覺好老。 如果想個妝持久，就要係隔幾個鐘頭補一補妝，補妝o既時候只要用吸油紙吸油後搽返o的碎粉就ok喇。 現在解答你o既問題︰ 1. 上完濕粉係唔需要再搽粉餅，只要搽碎粉就得喇，如果唔係會好厚妝。 2. 搽base之後可以直接搽粉餅 3. 如果想 要薄貼o既化妝︰make up base -> 濕粉 -> 碎粉 ->其他彩妝。 要快︰make up base -> 粉餅 ->其他彩妝 4. 落妝水方面，到暫時我都未有一隻牌子覺得係滿意，o的人話fancl o既納米御妝好喎，但係我就未試過。 以下有幾幅圖，睇左之後就好容易分到濕粉、粉餅同碎粉。 呢種係濕粉 圖片參考：http://critiques.she.com/images/brands/2/BeautedeKose/SensationalWhiteLiquidMakeupSPF23.PA++.jpg 呢種係粉餅 圖片參考：http://critiques.she.com/images/brands/2/Biotherm/TouchMatteSPF15.jpg 呢種係碎粉 圖片參考：http://critiques.she.com/images/brands/2/Benefit/BluffDustlooseneturalizingpowder.jpg 2008-01-31 17:30:13 補充： 其實你係屬於邊一類皮膚？點解一時用黃色o既make up base，一時用紫色？sofina o既Alblanc Transclear White Foundation UV Powder 唔係好出名，Raycious 系列比較好。想用美白粉餅o既話，如果你o既皮膚較白，shiseido o既美白粉底係唔錯o既選擇。如果你o既皮膚較黑，用lancome o既粉底都唔錯。 2008-02-01 19:33:39 補充： 用紫色o既make up base黎遮偏黃o既膚色係正確o既。如果你唔係想白，只係o係化妝後皮膚冇咁暗啞，可以試下sofina o既Raycious Glamorous Skin Powder，呢隻粉餅用左之後會令皮膚更有光澤，而且遮瑕度都ok，可以遮下暗瘡。 2008-02-01 19:33:54 補充： 皮膚暗啞係因為角質層積得太厚，要去角質可以敷mask黎補救。如果你捨得買護膚品，valmont o既renewing pack勁掂，用完之後有光澤又保濕，係殘樣o既救星，但係就勁貴，一樽要過千銀，不過好多人試過之後都覺得貴得黎值。其次fancl o既inner active pack $128用黎去角質都唔錯，用左有助吸收其他護膚品。平時做下facial都可以令皮膚有光澤，做左一排之後，你就會發現自己o的皮膚有所改變。
其他解答:
其實上妝之前一定要先做晒基本既skincare程序 即係洗面之外仲要搽爽膚水、保濕,之後先到base同粉底 先幫皮膚做左保濕先個妝會貼d同冇咁易出油架 另外...你隻黃色base係搽晒成塊面? 黃色base係用黎遮黑眼圈或者紅印...成塊面都用你唔怕會面黃? 上完粉底液之後最好係上碎粉啦 你而家用緊果隻係粉餅/蜜粉餅? 不如你比隻野個名我地幫你睇啦! 其實要個妝自然,最緊要係粉底既色要o岩 同埋搽上面唔可以有厚粉既感覺! 你想持久d既可以揀d持久度比較高,或者防油/防汗既粉底 不過你要明白長時間既,出左油都有機會有少少溶或者浮 所以要習慣帶面油紙、碎粉/蜜粉餅之類出街補妝 有須要既再帶埋保濕噴霧幫皮膚補下水 1. 可以,不過粉餅會有遮瑕度 個妝會厚 2. 可以啦當然 粉餅係乾既粉底黎 不過你要明白粉餅一定冇粉底液咁貼架喇 3. 粉餅係乾粉底,有遮瑕度 可以就咁當粉底用 粉底液就係液體狀,一般比較貼面同薄身 效果最自然 碎粉/蜜粉就冇乜遮瑕度,主要用黎定妝 上完粉底液一定要用,個妝先冇咁易溶架~ 碎粉係冇經壓縮既,質地鬆散 蜜粉就有分蜜粉/蜜粉餅,蜜粉=碎粉,蜜粉餅就係經過壓縮成粉餅狀既蜜粉 4. 你可以試下mandom出呢隻: http://www.mandom-beauty.com/products/cleansing_express/detail.html 或者juju cosmetics Auqa Moist呢隻 圖片參考：http://www.juju.co.jp/catalog/img/aquamoist/ph_moist_make_water.jpg 呢2隻都係$100樓下同埋比較多好評既 2008-02-01 11:13:09 補充： 其實你話塊面有少少黃呢個都係正常既，始終東方人皮膚都係帶黃白到唔會好似西方人咁同埋你化得妝既，護膚就一定唔可以偷懶夜晚訓覺唔搽保濕，第二朝皮膚冇水份梗係又黃又暗啞啦！又化妝又懶護膚,皮膚咪越來越差囉同埋...雖然粉底係有遮瑕度但你唔想佢厚既遮極都係有限特別係如果你d印深既, 最多只係可以令佢淡少少,唔會遮得晒架所以其實除左粉底, 始終遮瑕要用返遮瑕先會遮得好只要你揀o岩色同有印開個邊位既, 就唔會同皮膚既色唔一致或者一撻撻不過都係睇下你覺得用左粉底之後效果點先再決定都唔遲 2008-02-01 11:13:34 補充： 其實用完base就用粉餅呢個step係冇問題不過都係果句:上妝之前一定要先做晒基本既skincare程序唔係嚇你你唔好好做護膚又化妝好快你就會發覺皮膚差左架喇到時先後悔想救返皮膚只會花更多既錢, 效果又慢架咋
留言列表
